ប្រភេទរូបភាពថ្មី WebP មានទំហំតូចសំរាប់ វេបសាយ
កន្លងមកមានប្រភេទរូបភាពជាច្រើនដូចជា JPG GIF PNG ជាដើមដែលគេនិយមប្រើសំរាប់បង្ហាញរូបភាព នៅលើវេបសាយ។ WebP គឺជាប្រភេទរូបភាពថ្មីទំនើបមួយទៀត ដែលបង្កើតដោយក្រុមហ៊ុន Google សំរាប់ប្រើបង្ហាញរូបភាពលើវេបសាយ។Google ប្រើប្រាស់បច្ចេកទេសបង្រួមតាមបែប lossless និង lossy ថ្មីដែលអាចធ្វើអោយ រូបភាពប្រភេទ WebP មានទំហំប្រហែល ២៦% តូចជាងទំហំរូបភាពដែលបង្កើតជាមួយប្រភេទរួបភាព JPG ឬ PNG។ វិធីបង្រួមតាមបែប lossless គឺវិធីបង្រួមដោយរក្សាភាពដើម ដែលអាចបង្ហាញរួបភាពបានល្អតែមានទំហំធំ។ ចំណែកវិធីបង្រួម តាមបែប lossy គឺវិធីបង្រួមដោយមិនរក្សាភាពដើមទាំងស្រុង ដែលធ្វើអោយរូបភាពមិនសូវល្អតែមានទំហំតូច។
កម្មវិធីដែលអាចប្រើប្រភេទរូបភាពថ្មី WebP
បច្ចុប្បន្នកម្មវិធីមើលវេបសាយ (Browser) ដូចជា Chrome Opera អាចមើលរូបភាពប្រភេទនេះបាន។ ចំណែកកម្មវិធី រូបភាពដូចជា Pixelmator, ImageMagick, GIMP, Leptonica និង XnConvert អាចបង្កើត កែប្រែ រូបភាពប្រភេទ WebP នេះបានដែរ។
បំលែងរូបភាពពី JPG PNG ទៅ WebP
ដើម្បីបំលែងរូបភាពពីប្រភេទរូបភាព JPG ឬ PNG ទៅ ប្រភេទរូបភាព WebP អ្នកអាចទាញយកកម្មវិធីនេះ Linux Windows ឬ Mac OS X ឬ ប្រើកម្មវិធីរូបភាពដែលបាននិយាយពីខាងលើ។